Moti i ngrohtë që po mbizotëron këto ditë ka bërë që shumica e njerëzve të shijojnë vikendin pranë ndonjë qyteti bregdetar.
E një gjë të tillë e kanë bërë edhe këngëtarët e estradës, disa prej të cile nuk kanë hezituar që të provojnë edhe zhytjen në ujë.
Reperi Elinel së fundmi është nisur drejt një udhëtimi për në jug të Shqipërisë, së bashku me disa miq të tij.
Ndalesa e fundit ka qenë qyteti i Sarandës, ku reperi nga një video e publikuar në InstaStory, shihet se nuk ka hezituar që të futet në ujë.
Madje, ai shfaqet duke bërë një zhytje me kokë, ndonëse është pak ftohtë, dhe nuk kishte asnjëri tjetër në plazh.
Njëjtë si Elinel, edhe këngëtari Shpa Deda ka shijuar këto ditë një udhëtim në rivierën shqiptare.
Ai ka vizituar qytetin e vjetër të Gjirokastrës, ndërsa së fundmi ka treguar se ndodhet në Dhërmi.
Ende pa u çelur sezona, ai vendosi që futet në det për të shijuar ditën e sotme, e cila ishte vërtet e ngrohtë.
Nga një video që ai ka publikuar gjithashtu në InstaStory, këngëtari Deda shihet teksa futet në ujin e ftohtë të Dhërmiut, ndonëse asnjë tjetër nuk po e bënte një gjë të tillë.
Duket se atmosfera e pushimeve të verës ka arritur më herët te këngëtarët e estradës, ndonëse këta të fundit shumë rrallë i shijojnë pushimet, kjo për shkak të angazhimeve të shumta që kanë gjatë zezonës verore. /Telegrafi/