Rozana ka reaguar e revoltuar pas komentave të rënda dhe poshtëruese të Jozit, i cili në një bisedë me Aldon ka shpërthyer kundër saj, duke e quajtur këngëtare që stonon, nul dhe “kokërra e dallaveres”.
Ai gjithashtu e ka akuzuar për të kaluar të dyshimtë, duke i thënë se ka bërë shumë ndërhyrje estetike dhe që nuk është një këngëtare e vërtetë live.
Jozi kishte thënë: “Kur nis të flas, ose e prek në pikën më të keqe ose nuk flas fare. E njoh personalisht prej 25 vitesh, që kur ka qenë ajo andej. ‘Dëgjo këtu çfarë po të them, kërkon falje urgjentisht dhe përulu para meje se nëse them unë diçka për ty, ti lut zotin që të dalësh pa u bërë 24 orë’. Janë sekrete që nuk i di asnjë. U cua një natë dhe i thashë që kam kënduar 5 orë live dhe më tha s’janë asgjë. Nuk mundet të më tregojë ajo mua live-t, kjo nuk është as këngëtare live, kjo është stonaturë… Kjo është ulur në lloj e lloj karrige, e ka fituar festivale… rrjedh nga një familje ok, por kjo është nul. Është kokrra e dallaveres, është nga ato bundrat që ka bërë hundët, buzët, mollëzat, vetullat dhe të gjitha”.
Në kundërpërgjigje, Rozana ka shprehur indinjatën e saj dhe ka theksuar se është turp për të të që ndan shtëpinë me një njeri me një nivel të tillë. Ajo ka shtuar: “Më vjen turp që e ndaj shtëpinë me këtë lloj niveli. Dua ta pyes Jozin, ku më njeh, si më njeh, a e di ky që kam një person jashtë që më pret. A mendon ky që kam një motër, një familje aty jashtë? A i vjen turp, a ka motër, a ka nënë ky? Është i vetmi djal i shtëpisë që nuk kam shkëmbyer asnjë fjalë të keqe, e kam dashur dhe kam qeshur me të dhe ja si ta shpërblen”. /Telegrafi/
