Këngëtarja e njohur, Rita Ora, ka shprehur trishtimin e saj të thellë për ndarjen nga jeta të këngëtarit Liam Payne në një postim emocional në Instagram.
Ajo e përshkroi atë si një njeri me shpirt të mrekullueshëm, duke shkruar: “Unë jam e shkatërruar. Ai kishte shpirtin më të mirë, nuk do ta harroj kurrë”.
Rita më tutje vazhdoi: Më pëlqeu shumë të punoja me të – ai ishte thjesht një gëzim i madh të isha pranë skenës dhe jashtë saj.”
“Ky lajm tragjik më thyen zemrën. Dërgoj gjithë dashurinë dhe lutjet e mia për familjen dhe të dashurit e tij. Kënga jonë “Për Ty” merr një kuptim krejtësisht të ri për mua tani. R.I.P.”, përfundoi këngëtarja.
Liam Payne dhe Rita Ora kishin bashkëpunuar në hitin e njohur “For You”, dhe ky lajm i trishtueshëm ka prekur thellë fansat e tyre dhe botën e muzikës.
Sipas një zyrtari lokal, këngëtari ra në oborrin e hotelit CasaSur, i cili ndodhet në lagjen e njohur të Palermos.
Alberto Crescenti, kreu i sistemit të urgjencës mjekësore shtetërore, konfirmoi se ai u gjet pa jetë në këtë hotel. /Telegrafi/
