Kënga e re e Bebe Rexhës me David Guettan ngjitet lart në top listat ndërkombëtare

Këngëtarja shqiptare me famë botërore, Bebe Rexha, ka publikuar të premten bashkëpunimin e saj më të ri me DJ-in e famshëm, David Guetta.

Dyshja kanë publikuar remiksin e këngës “Blue”, në një version të ri të titulluar “I’m good”.

Me t’u publikuar, kënga ka filluar të ngjitet me shpejtësi në krye të top listave në shumë vende të ndryshme të globit.

Në një postim që artistja me origjinë shqiptare e ka rishpërndarë me ndjekësit në InstaStory, tregohet se si vetëm brenda ditës interesimi për të dëgjuar këngën ka qenë enorm.

Aktualisht, “I’m good (Blue)” nga David Guetta dhe Bebe Rexha është kënga e dytë më e dëgjuar në iTunes në të gjithë Mbretërinë e Bashkuar dhe e dyta njashtu në Kanada.

Lexo po ashtu Me video atraktive në TikTok, Bebe Rexha promovon këngën e saj të re që lansohet të premten

Njëherësh, bashkëpunimi mes dyshes së famshme është gjithashtu kënga e tretë më e dëgjuar e momentit në Irlandë dhe Holandë, e katërta në Finlandë dhe e pesta në iTunes të Zvicrës dhe Gjermanisë.

Ky bashkëpunim i publikua pasi ditë më parë këngëtarja e hiteve botërore publikoi një demo të këngës në TikTok, ku thoshte se ajo dhe David e kishin realizuar për shaka këtë demo shumë vite më parë.

Por më pas kërkesa e fansave për ta realizuar versionin e plotë ishte e madhe dhe dy artistët e famshëm vendosën që t’ua plotësojnë këtë dëshirë fansave të tyre. /Telegrafi/