Ditë më parë, këngëtarja shqiptare me famë botërore, Bebe Rexha, e ka publikuar versionin audio të këngës “You Can’t Stop The Girl”.
Kjo këngë është një prej temave muzikore të filmit “Maleficent: Mistress of Evil” dhe është pëlqyer që në ditën e parë të lansimit.
Ndërsa përmes një njoftimi në rrjetet sociale, 30-vjeçarja ka njoftuar se projekti i saj i kushtohet tenistes legjendare, Serena Williams.
“E kam shkruar ‘You Can’t Stop The Girl’ për Serena Williams. Isha në studio një natë dhe dëgjova për të teksa shfaqej në US Open e veshur me fund të shkurtër pas kundërthënieve lidhur me veshjen e ngushtë sportive. Kështu që u frymëzova”, ka shkruar Bebe në një postim në Twitter.
I wrote “You Can’t Stop The Girl” about @serenawilliams . I was in the studio one night and I heard about her showing up to the us open wearing a tutu after the controversy of her catsuit outfit. I was so inspired.
— Bebe Rexha (@BebeRexha) September 20, 2019
“Maleficent: Mistress of Evil” është film i Walt Disney, vazhdim i “Maleficent” nga viti 2014 me Angelina Jolie në rolin kryesor, ndërsa do të nisë shfaqjen nëpër kinema nga 18 tetori i këtij viti. /Telegrafi/
