Kendall Jenner tregoi figurën e saj në formë përmes Instagramit në një seri fotosh nga një xhirim i ri i fushatës së Kylie Cosmetics me motrën Kylie Jenner.
“Rundi i dytë bashkëpunimi KENDALL x KYLIE vjen më 6 Prill! Prapaskenat”, shkruajti Kendall në tri foto të saj e veshur me një fustan ngjyrë jargavani.
Fustani përmbante shumë prerje të mëdha që shfaqnin barkun e saj të sheshtë dhe format e tonifikuara.
Kendall ndau edhe materiale të tjera promovuese në Instagram Stories , ku Kylie, 24 vjeç, shihet me një fustan të ngjashëm.
Ndryshe, Kendall së fundmi kishte ndryshuar ngjyrën e flokëve duke siguruar kështu një vëmendje të madhe me ndryshimin. /Telegrafi/
