Kendall Jenner dhe Hailey Baldwin janë bërë pjesë e shout televiziv ” Take a Lie Detector Test”.
Ato ishin përballë njëra-tjetrës dhe detyra e tyre ishte të bënin pyetje të vështira rreth jetës private.
Dhe në një rast Hailey e pyeti Kendallin nëse kishte hapur llogari false në rrjetet sociale për të kontrolluar të dashurit.
“Ti e di përgjigjen e kësaj. Po!”, tha modelja më e paguar në botë pasi e dinte se e vërteta do të zbulohej.
Theksojmë se pjesëtarja e familjes Kardashian në të kaluarën kishte të dashur Harry Styles, ASAP Rocky, Jordan Clarkson dhe Blake Griffin.
Më pas Kendall pyeti Haileyn nëse Justin Bieber, bashkëshorti i kësaj të fundit, e pëlqente. Hailey tha ‘po’, por makina e të vërtetës tregoi se ishte një gënjeshtër.
Kështu dy mikeshat filluan të qeshnin dhe Kendall nuk u mërzit aspak që bashkëshorti i shoqes së ngushtë nuk e pëlqen. /Telegrafi/
