Keita Balde Diao vazhdon të kundërshtojë të gjitha opsionet e tjera, pasi sulmuesi i Lazios dëshiron vetëm Juventusin.
Kontrata e sulmuesit senegalez pritet të skadojë në qershor të vitit 2018, kështu që një shitje gjatë verës është e nevojshme për të shmangur humbjen e tij si një agjent i lirë vitin e ardhshëm.
Ndërsa Milani, Interi, Napoli dhe Monaco kanë shfaqur interes për Keitan, i cili vlerësohet në mbi 25 milionë euro, Keita ka mbetur i palëkundur.
Sipas gazetës Il Messaggero, Keita vazhdon të refuzojë të gjitha opsionet e tjera, sepse ai ka vendosur zemrën e tij te Zonja e Vjetër.
Kjo e bën situatën disi të vështirë për të shkuar në përplasjen italiane të Superkupës së Lazios me Juventusin më 13 gusht.
Bianconerët janë plotësisht të vetëdijshëm për situatën dhe nuk do ta ngrenë ofertën e tyre përtej 15 milionë euro plus bonuse. /Telegrafi/