Keisi Medini së fundmi ka dhënë intervistën e saj të radhës për emisionin “Më lër të flas”.
Këngëtarja e njohur ka qenë e ftuar së bashku me babanë e saj, Sabianin, të cilët kanë rrëfyer shumë gjëra për eksperiencën e tyre në Big Brother VIP Albania 2.
Ajo ka folur për raportin me Kristin, njohjen e tyre, gjersa Sabiani ka sqaruar për publikun rifutjen në këtë format.
Artistja shqiptare theksoi se i ati i dha një mesazh me hyrjen në BBVA për njohjen e saj me Kristi Aliajn.
‘Deri diku më bëri që të reflektoja, edhe mund të jem ndikuar. Nuk ka asgjë të keqe. Tani kur ai hyri brenda dhe i pa gjërat unë mora një konfirmim nga ai”, u shpreh ajo.
“Po kalonte në perversitete që mua nuk më pëlqente, si nuk mund t’i pëlqente çdo prindëri”, shtoi Sabiani.
“Unë brenda jam futur sepse nuk mund të futesha ndryshe veçse të jem pjesëtar apo banor i atij produksioni. Unë me ty me gjysmë ore takim nuk do të sqaroja asnjë gjë, vet prezenca ime sqaroi shumë gjëra. Ka marrë një sinjal nga unë. Të vinte me mua apo të bëhesha banor i shtëpisë. Falënderoj produksionin që na dha këtë mundësi të madhe”, tha mes shumë gjërash ai.
Keisi nga ana tjetër nuk beson se mund të ketë diçka më shumë me Kristin, pas daljes nga BBVA 2. /Telegrafi/
