Filmi “Love Actually” ishte shumë popullor në vitin 2000 dhe aktorja Keira Knightley luajti një nga rolet kryesore.
Në disa skena u shfaq me një kapele me rrjetë dhe deri kohët e fundit ishin të bindur se ky është vetëm edhe një aksesor mode, por aktorja zbuloi se kishte disa puçrra të mëdha në fytyrë.
Ajo ishte në promovimin e filmit të saj më të ri “Nutcracker”, ku shpjegoi se zgjedhja e saj e veshjeve në filmin e lartcekur varej nga fshehja e puçrrave adoleshente.
“Është një problem i madh kur filmoni filma dhe jeni vetëm 17 vjet. Unë kisha një grumbull të madh në ballin tim, ishte e neveritshme dhe duhej t’i mbulonim me një kapelë”, tha ajo.
“Është e pabesueshme që më kujtohet shumë nga të gjitha këto vështirësi. Mbaj mend se kur mbërrita në mëngjes, kontrollova nëse kishte puçrra të reja dhe aty ishin gjithmonë”, tha Keira përmes të qeshurave.
Aktorja përfundoi historinë me deklaratën se zgjidhja më e mirë për probleme të tilla ishte gjithmonë vendosja e kapelës në kokë dhe injorimi i problemit.
Ndryshe, 33-vjeçarja është duke punuar në projekte të reja filmike që do t’i shohim gjatë vitit të ardhshëm në ekranet e mëdha të kinemave botërore. /Telegrafi/