Katy Perry dhe aktori Orlando Bloom tash e një kohë të gjatë janë në pritje të fëmijës së tyre të parë të përbashkët.
Shumë prej ndjekësve të tyre kanë aluduar sa i përket gjinisë së foshnjës, pasi mezi prisnin që këngëtarja të tregonte personalisht një gjë të tillë, shkruan The Sun.
33-vjeçarja zbuloi gjininë në një mënyrë jo të zakonshme, duke mbuluar kështu fytyrën e bashkëshortit të saj me një krem rroje me ngjyrë rozë.
“Është vajzë”, shkroi këngëtarja në publikimin e fotografisë së partnerit të saj në Instagram.
Duket se Katy i është gëzuar këtij lajmi, pasi që në një koncert të saj në Melburn të Australisë u tha fansave të saj se shpresonte që foshnja e saj të jetë vajzë.
Për bashkëshortin e saj Orlando nuk është fëmija i parë, 43-vjeçari është baba i një nëntëvjeçari të cilin e ndan me ish-gruan dhe supermodelen Miranda Kerr.
Perry dhe Bloom nuk e kanë kurorëzuar ende dashurinë e tyre me martesë, pasi planifikimi për të organizuar një gjë të tillë u shty për shkak të pandemisë coronavirus. /Telegrafi/