Katy Perry thotë se ajo kishte kaluar nëpër periudhat të vështira të depresionit pas publikimit të albumit të saj të fundit.
“Witness” arriti në vendin e gjashtë në toplistat e Britanisë së Madhe kur u doli në shitje në vitin 2017, ndërsa dy të parët e mëparshëm arritën në pozitën e parë.
Këngëtarja 33-vjeçare thotë se e ka përjetuar rëndë reagimin negativ të publikut, “e cila gjë më theu zemrën”.
“Kam pasur periudha depresioni në varësi të situatave dhe zemra ime u lëndua vitin e kaluar sepse, pa dijeninë time, i dhashë rëndësi reagimit të publikut, i cili nuk reagoi në mënyrën që unë e prisja”, tha ajo.
Ajo ka pohuar më tutje se kjo ka ndikuar në krijimtarinë e saj artistike dhe se ende nuk ka arritur të rimarrë veten që nga ajo periudhë.
Përkundër kritikave negative, Katy është shpallur si këngëtarja me më së shumti fitime gjatë 12 muajve të fundit.
Një pjesë e kësaj do të jetë për shkak të turneut me rastin e promovimit të albumit, ku koncerti i fundit do të jetë gjatë muajit gusht në Australi. /Telegrafi/