Katër zyrtarë policorë kanë pësuar lëndime trupore si pasojë e një sulmi nga gjashtë pasagjerë.
Siç njofton Policia e Kosovës, të dyshuarit janë shtetas serbë, dhe se të njëjtit gjatë kontrollit të dokumentacionit kanë qenë nën ndikimin e alkoolit me ç‘rast kanë fyer zyrtarët policorë e më pas i kanë sulmuar.
Ngjarja ka ndodhur gjatë ditës së djeshme në Pejë, teksa njësiti policor në një pikë kontrolli ka ndaluar veturën Audi me targa të Serbisë.
Të dyshuarit janë arrestuar dhe me urdhër të prokurorit janë dërguar në mbajtje.