Këngëtarja kolumbiane, Shakira dhe futbollisti Gerard Pique, u takuan sërish në një stadium katër muaj pas ndarjes së tyre.
Të dy shkuan në Valencia për të brohoritur djalin e tyre, Milan, në kampionatin spanjoll të bejsbollit U-11.
Revista Hola zbuloi detajet e takimit dhe sqaroi se dy prindërit nuk ishin bashkë.
Shakira dhe Pique u ulën në vende të ndryshme të tribunës, të ndarë me disa metra dhe e mbështetën qartë djalin e tyre, i cili po përballej me një ndeshje të rëndësishme.
Artistja ishte miqësore me grupin e prindërve me të cilët nuk e kishte problem të bënte foto me ta. Pique, nga ana e tij, ka qenë gjithashtu pjesë e grupit dhe kishte veshur të njëjtën bluzë të turneut si të gjithë.
Revista Hola sqaron se këngëtarja dhe futbollisti, të cilët ishin shumë të përfshirë në ndeshjen e Milanit dhe ekipit të tij, nuk folën me njëri-tjetrin gjatë ndeshjes, gjë që tregon tensionin mes ish-çiftit, në mes të një mosmarrëveshjeje ligjore për kujdestarinë e fëmijëve të tyre.
Sipas raportimeve të fundit, beteja ligjore për këtë çështje po rezulton të jetë veçanërisht e ashpër.
Madje, në një nga takimet ligjore për këtë çështje, Pique është larguar nga godina ku po zhvillohej takimi.
Dyshja, që u ndanë pas 12 vitesh së bashkë, përveç Milanit kanë edhe një djalë të quajtur, Sasha. /Telegrafi/
