Kylian Mbappe duket i destinuar të luajë për Real Madridin. Fituesi i Kupës së Botës ka refuzuar të vazhdojë kontratën e tij e cila përfundon në vitin 2024, andaj PSG është e vendosur ta shesë atë tani për të mos e humbur atë falas në verën e vitit 2024.
Kalimi i francezit padyshim se do t’i sjellë dobi skuadrës spanjolle, por le të flasim për lojtarët që do të përfitojnë më shumë nga ardhja e tij.
Rodrygo: Braziliani po bëhet një tifoz i Mbappes në këtë pikë. Ai së fundmi tha se Mbappe është një nga lojtarët më të mirë në botë dhe një fenomen me të cilin do të donte të luante.
Dhe këtë javë, një foto e Rodrygos dhe Mbappe është bërë virale në rrjetet sociale.
Për më tepër, Rodrygo do të lulëzonte absolutisht me shokun e tij të ri duke i dhënë atij disa këshilla dhe një ndihmë në sulmin e Real Madridit.
Vinicius Junior: Braziliani është aktualisht lojtari më i mirë i madrilenëve dhe bartë mbi supe sulmin e tyre. Mbappe do ta heqë ose të paktën do ta ndajë atë barrë me brazilianin.
Jude Bellingham: Duket sikur pritet shumë nga anglezi për sa i përket golave me Real Madridin që luan në formacionin 4-4-2. Kur Mbappe t’i bashkohet ekipit, pesha që Bellingham të japë gola do të reduktohet ndjeshëm duke e lejuar 20-vjeçarin të lulëzojë duke luajtur lojën e tij si mesfushor pa u llogaritur si sulmues.
Arda Guler: Mund të shkojë mendja për shumë të rinj në Real Madrid që mund të mësojnë dhe të përfitojnë nga Mbappe, por i vetmi lojtar që vjen shpejt në mendje është Guler. Turku mund të mësojë nga një që menaxhoi presionin, fitoi Kupën e Botës dhe shënoi gola të mrekullueshëm në Ligën e Kampionëve kur ishte ende adoleshent. /Telegrafi/