Megjithëse fëmijët shpesh fajësojnë prindërit për problemet që hasin kur rriten, psikologët zbulojnë se kjo nuk është qasja më e shëndetshme dhe produktive
Mirëpo, edhe prindërit kanë frikë se metodat e tyre mund të shkatërrojnë të ardhmen e fëmijëve.
Epo, të jesh prind është përgjegjësi e madhe dhe nuk ka receta që mund t’ju ndihmojnë. Gjithsesi, ka një listë me gjëra që bëjnë prindërit e mirë herë pas here, për t’i edukuar fëmijët në mënyrën e duhur:
Ata u japin fëmijëve kohë të lirë të mjaftueshme
Shumë prindër dëshirojnë që fëmijët e tyre të kenë sukses, aq shumë sa ata fillojnë të mbikëqyrin ditën e tyre me aktivitete jashtëshkollore.
Nëse fëmija juaj merr kurse pianoje, matematike shkon në stërvitje futbolli, ose kurs kërcimi, të gjitha këto mund të jenë të rëndësishme për zhvillimin e tyre të përgjithshëm, por u japin atyre shumë stres.
Fëmijët janë individë dhe duan të kenë kohë edhe të luajnë. Nëse nga koha e tyre e lirë i merrni orë për kurse, kjo gjë u shkakton atyre shpërthime emocionale dhe probleme me sjelljen.
Ata nuk përpiqen të jenë prindërit perfekt
Prindërimi mund të jetë i vështirë dhe ne duhet të përpiqemi të bëjmë çmos që fëmijët tanë të jenë të lumtur. Sidoqoftë, ekziston një ndryshim i madh mes “dhënies së maksimumit” dhe “të qenit i përsosur”.
Kur prindërit vendosin standarde të pamundura për veten e tyre, ata i privojnë fëmijët nga përvojat e vlefshme. Këtij stili prindërimi i mungon origjinaliteti, pasi prindërit kurrë nuk shprehin emocionet e tyre të vërteta dhe përpiqen të kenë gjithçka nën kontroll.
Prindërit ndihen fajtorë për mospërmbushjen e qëllimeve të pamundura dhe përfundojnë duke sjellë zhgënjime në marrëdhëniet që kanë me fëmijën e tyre.
Nuk i ndëshkojnë fëmijët
Fëmijët imitojnë sjelljen e prindërve dhe mësojnë nga veprimet e tyre.
Pra, nëse fëmija bën diçka të gabuar, prindërit duhet të përdorin metoda pozitive të prindërimit dhe t’u shpjegojnë atyre pse kjo sjellje është e papranueshme.
Ndëshkimi i fëmijës nuk është zgjidhja, sepse fëmija nuk i kupton pasojat e sjelljes së tyre dhe pse është e gabuar.
Ata krijojnë kujtime të lumtura për fëmijët e tyre
Kujtimet e fëmijërisë na ndihmojnë të kuptojmë si duhet të reagojmë ndaj ngjarjeve të caktuara dhe të perceptojmë botën, këshillon Class.
Hulumtimet kanë treguar se fëmijët që kanë shumë kujtime të lumtura rriten më të shëndetshëm dhe më të kënaqur me jetën. Ata kanë tendencë të kenë një këndvështrim më pozitiv për jetën dhe aftësi më të mira të përballimit të stresit.
Këta fëmijë kanë më pak të ngjarë të vuajnë nga depresioni dhe janë më të prirur për të krijuar marrëdhënie më të shëndetshme me njerëzit. /Telegrafi/