Kosova ka pësuar humbjen e parë në kuadër të para-kualifikimeve të botërorit Kina 2019.
Basketbollistët tanë nuk arritën t’i bënin ballë Estonisë duke humbur me rezultat të thellë prej 76:50.
Pas trajnerit amerikan, Brad Greenberg ka folur edhe basketbollisti Erjon Kastrati.
Ai ka thënë se estonezët ishin ekip shumë i fortë, por ne do të fokusohemi në takimin me Maqedoninë.
“Ishte një natë e keqe për neve. E kemi ditur se do të jetë vështirë, sepse Estonia është skuadër që e lëviz shumë shpejtë topin, por sot kanë luajtur shumë mirë edhe në mbrojtje. Në anën tjetër ne patëm probleme me mbrojtjen tonë dhe kjo na kushtoi shumë. Tani duhet të mendojmë për ndeshjen me Maqedoninë. Kemi pak ditë për tu rikuperuar, por jemi optimistë dhe premtojmë se do ta bëjmë më të mirën tonë në parket”, Erjon Kastrati.
Kosova të shtunën (12 gusht) do të ndeshet në Shkup me Maqedoninë, ku takimin e parë të zhvilluar në Prishtinë e fituan basketbollistët tanë. /Telegrafi/