Aeroporti Heathrow u kap nga frika e coronavirusit këtë mëngjes kur deri në tetë aeroplanë u vendosën në bllokim pasi pasagjerët në bord u ankuan për simptomat e virusit vdekjeprurës.
Udhëtarëve në Fluturimin 901 të Airlines United nga San Francisko u tha nga kapiteni që të rrinin në vendet e tyre, sepse dikush mund të ketë infeksionin ngjitës, i quajtur tani SARS-CoV-2.
Andy West, nga Henley-on-Thames, tha për MailOnline se pasagjerët u paralajmëruan nga kapiteni i aeroplanit se ata mund të ishin në një karantinë për një kohë sepse ‘shtatë aeroplanët e tjerë’ gjithashtu kishin raste të dyshuara, transmeton Telegrafi.
Zyrtarët e Shëndetit Publik në Angli dhe Heathrow deri më tani kanë refuzuar të lëshojnë informacione për incidentin e këtij mëngjesi, i cili mund të ketë prekur qindra udhëtarë.
Por United Airlines, një kompani amerikane, konfirmoi se dikush ishte ‘në gjendje më të keqe’ në bordin e fluturimit në San Francisko.
Zhvillime të tjera në shpërthimin e coronavirusit sot përfshijnë:
Më shumë se 64,000 raste janë diagnostikuar në të gjithë botën dhe 1,363 kanë vdekur. /Telegrafi/
