Një person është arrestuar mëngjesin e së shtunës në Fushë Kosovë pasi kishte sulmuar një polic dhe një tjetër person.
Kështu është bërë e ditur nga Policia e Kosovës, në raportin 24-orësh.
Sipas informacioneve, i njëjti fillimisht dyshohet se kishte dëmtuar kamerën e sigurisë të vendosur në ashensor, pastaj kishte kanosur viktimat.
Njëri nga ta kishte qenë zyrtar policor në detyrë, ndërkaq tjetri banorë i hyrjes.
Me vendim të prokurorit i dyshuari është dërguar në mbajtje.
“Fushë Kosovë 14.08.2021 – 07:50. Është arrestuar i dyshuari mashkull kosovar pasi që dyshohet se qëllimisht kishte dëmtuar një kamerë të vendosur në ashensor dhe më pas kishte kanosur dy viktimat meshkuj kosovar njëri zyrtar policor në detyrë dhe tjetri banor i hyrjes. Në lidhje me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje”, thuhet në raport. /Telegrafi/