Sulmuesi i Tottenham Hotspur, Harry Kane ka thënë se ata duhet të përfundojnë në katër vendet e para këtë sezon në Ligën Premier.
Kane zbuloi se mund të largohet në verë nga Spurs nëse nuk mund të përmbushë ambicien e tij për të fituar trofe në veri të Londrës.
Megjithatë, ylli anglez vazhdon të mbetet i fokusuar te klubi londinez, pasi është shprehur edhe Tottenhami duhet ta mbyll sezonin në katër vendet e para.
“Ne duhet të përfundojmë në katër pozitat e para, nuk ka dyshim për këtë”, ka thënë fillimisht Kane për kanalin zyrtar të Tottenhamit në YouTube.
“Kemi një ndeshje të madhe kundër Man United në ndeshjen e parë dhe realisht do të duhet të fitojmë shtatë ose tetë ndeshje për të hyrë në Ligën e Kampionëve”.
“Ky duhet të jetë qëllimi ynë”.
“Sigurisht që ne duam të fitojmë çdo ndeshje, por duhet të sigurohemi që të mbarojmë mirë nëse duam të luajmë futbollin e Ligës së Kampionëve sezonin e ardhshëm”, përfundoi sulmuesi. /Telegrafi/