Producentët janë treguar të kujdesshëm që të mos dalë asnjë hollësi nga xhirimet e serisë së dytë të “Fifty Shades” duke bërë një përjashtim vetëm në ditën e fundit të tyre.
Dakota Johnson dhe Jamie Dornan ndanë një puthje pasionante në “Qytetin e Dashurisë” – Paris, transmeton TCH.
26-vjeçarja dhe 34-vjeçari janë sërish protagonistë në filmin e titulluar “Fifty Shades Darker”. Dakota luan rolin e Anastasia Steele, ndërsa Jamie atë të miliarderit të suksesshëm, Christian Grey.
Ndërkohë, këngëtarja shqiptare me famë botërore, Rita Ora, do ta përsërisë rolin e Mia Grey, motrës së protagonistit kryesor.
Filmi do të ketë premierën më 9 shkurt të vitit të ardhshëm në Rusi dhe premton të jetë po aq “i nxehtë” sa paraardhësi i tij.
