Pas largimit të Ferran Torres te Barcelona, Pep Guardiola ka konfirmuar se Manchester City nuk do të nënshkruajë me asnjë zëvendësues në janar, por ‘qytetarët’ thuhet se kanë të afrojnë njërin mes Harry Kane dhe Erling Haaland.
Man City bëri një përpjekje për të marrë shërbimet e Kane verën e kaluar, por Tottenham nuk ishte i gatshëm të negocionte transferimin e tij pas Kampionatit Evropian 2020.
Sipas raportimeve të ESPN, Guardiola është ende i interesuar për të sjellë Kane, pasi ata duan një nënshkrim për të forcuar sulmin e tyre në verë.
Manchester City bëri një ofertë 140 milionë euro për Kane, por presidenti i Spurs, Daniel Levy e hodhi poshtë pavarësisht dëshirës së anglezit për t’u larguar nga klubi.
Çmimi i tij thuhet se është vendosur në 178 milionë euro, por City nuk duket se është i gatshëm të përmbushë kërkesat e larta të klubit londinez.
Në vend të kësaj, ata mund të bëjnë një lëvizje për Haaland, kontrata e të cilit përfshin një klauzolë lirimi prej rreth 75-80 milionë euro e cila thuhet se hyn në fuqi në verë.
Në fakt, agjenti i Mino Raiola, e konfirmoi më herët në dhjetor se Manchester City është një nga pretenduesit e mundshëm për nënshkrimin e sulmuesit. /Telegrafi/