Robin Haxhi Krasniqi ka realizuar një vizitë në kampin e FSK-së ku është pritur nga gjenerali, komandantët dhe ushtarët.
Kampioni i botës në boks në peshat gjysmë të rënda, para pak ditësh ka arritur të fitojë titujt IBO dhe WBA në përballjen ndaj Dominic Boesel me nokaut.
Boksieri po vazhdon të takojë figura të larta shtetërore dhe organizata të ndryshme pas triumfi të tij, derisa është mirëpritur sot nga gjenerali Fadil Hadergjonaj.
Më poshtë mund të shikoni statusin e plotë të bërë nga Shtabi i Përgjithshëm i FSK-së në Facebook (pa ndërhyrje):
Kampion i Botës në Boksin profesionit Robin Haxhi Krasniqi ka vizituar Komandën e Forcave Tokësore të FSK-së
Haxhi Krasniqi është pritur nga Komandanti i Forcave Tokësore gjeneral brigade Fadil Hadergjonaj, së bashku me komandantët e Regjimenteve dhe shtabin e KFT-së.
Vizita ishte organizuar në shenjë mirënjohje për titullin e më të mirit të botës që bëri krenarë të gjithë, ai është njoftuar për punën dhe aktivitetet e FSK-së, gjithashtu ka vizituar edhe disa stacione stërvitore dhe me këtë rast gjeneral Hadërgjonaj i ka dhuruar një pllakë me emblemën e KFT-së
Krasniqi është ndier krenarë me të arriturat e FSK-së dhe ka falënderuar për pritjen miqësore që i është bërë atij. /Telegrafi/