Kampi i refugjatëve në Gazë është shkatërruar plotësisht, raketat izraelite e bënë rrafsh me tokë – u vranë dhe plagosën qindra persona

Drejtori i mbrojtjes civile në Gazë, Ahmad el Kalut, ka thënë se kampi i refugjatëve Jabali është shkatërruar plotësisht pas bombardimeve izraelite.

“Këto objekte janë shtëpia e qindra njerëzve. Forcave pushtuese ajrore i shkatërruan me gjashtë bomba të prodhimit amerikan. Kjo është masakra më e re që e ka kryer agresori izraelit në Rripin e Gazës”, tha El Kalut para gazetarëve në spitalin Kan Junis, raporton Al Jazeera.

Ai i ka bërë thirrje bashkësisë ndërkombëtare që menjëherë të reagojë, me qëllim që të ndalë Izraelin, “para se të jetë tepër vonë”, transmeton Telegrafi.

Lexo po ashtu Izraelitët marrin përgjegjësinë për bombardimin e kampit të refugjatëve në Gazë, pretendojnë se kanë vrarë komandantin e Hamasit

Autoritet e Hamasit kanë njoftuar se në sulmet ajrore izraelitë në kampin e refugjatëve janë vrarë apo plagosur mbi 400 persona, në mesin e të cilëve numër i madh gra e fëmijë.

Siç raporton Guardian, të paktën 47 persona kanë humbur jetën, derisa ministria e Shëndetësisë në Gazë, pretendojnë në një kumtesë se “mbi 50 persona janë vrarë nën rrënoja dhe 150 tjerë gjenden akoma nën rrënoja”.

Zëdhënësi i ministrisë së Shëndetësisë, Ayed al Bazm tha se gjashtë bomba kanë rënë në këtë rajon. E forcat izraelite kanë konfirmuar se kanë bombarduar kampin e refugjatëve. /Telegrafi/