Kamerat e sigurisë në një rrugë në Kinë kanë filmuar një moment rrëqethës, që për shumëkënd që ka pasur rastin ta shoh i është dukur e pabesueshme.
Bëhet fjalë për dy të rinj që derisa po shëtisnin me biçikletë nëpër rrugë, goditen nga pas nga një kamion gjigant që për disa metra i tërheq zvarrë dhe përfundojnë nën rrotat e tij, transmeton Telegrafi.
Mediat kineze raportojnë se shoferi i kamionit nuk i kishte vërejtur fare, pasi i ishin afruar shumë dhe nuk mund t’i shihte nga kabina e lartë dhe kapaku i motorit.
Megjithatë në momentin që e kuptoi se diçka nuk është në rregull e ndali kamionin, kurse njëri prej të rinjve doli nga kamioni dhe sillej sikur të mos i kishte ndodhur asgjë.
Aty menjëherë filluan ta kërkojnë edhe të riun tjetër i cili gjithashtu doli të jetë se kishte pësuar vetëm disa lëndime të lehta trupore. /Telegrafi/
