Siç e do tradita – kur kamera fokuson një çift në një ndeshje futbolli apo bejsbolli në Shtetet e Bashkuara – ata duhet të puthen. Por kështu nuk ndodhi gjatë një ndeshje futbolli, kur një djalë i ri refuzoi puthjen e partneres e gjithçka u transmetua live në televizion.
Kamerat kishin fokusuar dyshen, e pasi që objekti i kamerës i afroi edhe më shumë – për t’i ndarë nga turma, vajza e kuptoi se çfarë duhet të bëjë, transmeton Telegrafi.
Kështu iu afrua partnerit për ta puthur, por me një gjakftohtësi e refuzoi duke ia lënë “buzët e varura”.
E pasi që në rrjetet sociale shpërthyen komente të shumta duke kritikuar – dyshja u munduan të arsyetohen duke thënë se gjithçka e kishin planifikuar.
“I thash, që kur të më afrohesh të më puthësh, unë do ta kthej shpinën – do të jetë qesharake”, tha i riu në një video në TikTok. /Telegrafi/