Kamera e sigurisë e vendosur në derën e një shtëpie private në Britani të Madhe, ka kapur momentin kur një burrë qëllohet me armë në këmbë para syve të një fëmije të vogël që qante.
Videoja shfaq burrin e maskuar që afrohet dhe qëllon viktimën me armë në këmbë, pak centimetra larg fëmijës, kurse e tërë ngjarja e tmerrshme është zhvilluar në Kirkby të Merseyside, transmeton Telegrafi.
Fëmija kthehet dhe sheh momentin kur burri qëllohet në këmbë dhe sulmuesi largohet me shpejtësi nga vendi i ngjarjes.
Aty dëgjohet një grua duke bërtitur “çfarë je duke bërë” para se fëmija të fillonte të qante.
Pamjet janë shpërndarë në rrjetet sociale dhe janë bërë virale, kurse një burrë i këtij qyteti tha se incidenti i kujtoi rrethanat kaotike rreth vdekjes së 9-vjeçares Olivia Pratt-Korbel, që humbi jetën kur një burrë shtiu me armë pranë derës së shtëpisë së saj në Dovecot.
Policia në Kirkby ka filluar hetimet, dhe ka njoftuar se ka arrestuar një burrë në dyshimin për posedim të paautorizuar të armës së zjarrit dhe rrezikimit të jetës së qytetarëve. /Telegrafi/
