Jack Grealish thotë se largimi nga Aston Villa për t’u bashkuar me Manchester City e bëri atë të qajë dhe e bëri të ndihet “saktësisht” njësoj si Lionel Messi kur u largua nga Barcelona.
Mesfushori 25-vjeçar iu bashkua Cityt javën e kaluar për 100 milionë funte në marrëveshjen më të madhe në historinë e futbollit anglez, duke u larguar nga klubi ku kishte kaluar gjithë karrierën e tij.
Lëvizja e Grealish u pasua nga konfirmimi se Messi, i cili ka kaluar gjithë karrierën e tij në Barcelonë, do të largohej nga La Liga pasi ata nuk ishin në gjendje të përmbushnin një kontratë të re që ishte rënë dakord me lojtarin për shkak të “pengesave financiare dhe strukturore”.
A warm welcome! 👋
🔷 #ManCity | https://t.co/axa0klD5re pic.twitter.com/3izifdX2kG
— Manchester City (@ManCity) August 9, 2021
Messi i përlotur deklaroi se nuk donte të largohej nga Barcelona dhe shtoi se, ndërsa një lëvizje në Paris Saint-Germain është e mundur, asgjë nuk është konfirmuar ende.
“Ishte kaq e vështirë. Unë mendoj se të gjithë e dinë këtë”, ka thënë Grealish, i cili mund të bëjë debutimin e tij në Ligën Premier te City kur të përballet me Tottenhamin në hapjen e sezonit të së dielës.
“Unë u paraqita në seancat stërvitore ashtu siç ishte planifikuar. Kjo ishte kur trajneri më donte të kthehesha, kështu që unë padyshim u ktheva për disa ditë. Ishte padyshim e vështirë sepse në kokën time, e dija se po largohesha”.
"I was like a kid going to a new school!"
🔷 #ManCity | https://t.co/axa0klD5re pic.twitter.com/kDgnzAP7S2
— Manchester City (@ManCity) August 9, 2021
“Të gjithë e kanë parë ashtu siç ishte Messi në konferencën e tij të fundit për shtyp dhe kjo është mënyra e saktë që unë e ndjeva veten”.
“Para se të largohesha, në hotel, fola me ekipin, stafin dhe lojtarët dhe u përlota para tyre”, ka shtuar më tej lojtari.
Grealish është bërë lojtari më i shtrenjtë anglezë në histori, derisa do e testojë vetën nga edicioni i ri te Citizens. /Telegrafi/