Ky është momenti dramatik, kur një grup burrash tentojnë të nxjerrin disa persona që ishin ngujuar brenda veturës të aksidentuara, dhe që ishin përfshirë nga flaka e rrezikoheshin të digjeshin për së gjalli.
Ngjarja e filmuar ka ndodhur në Azerbajxhan, ku shihen dy vetura të aksidentuara, ku një Lada dhe një Volga përfshihen nga zjarri, transmeton Telegrafi.
Shumë dëshmitarë të këtij rasti të tmerrshëm, shihen se si luftojnë që të nxjerrin personat që ishin brenda vetura dhe rrezikoheshin të digjeshin për së gjalli.
Ata fillimisht mundohen të hapin dyert, por pasi e kuptojnë se nuk mund ta bëjnë një gjë të tillë, vendosin të thyejnë xhamat dhe t’i nxjerrin jashtë zvarrë.
Në një moment shpërthen një zjarr i madh, por kjo nuk e frikësoi një burrë trim i cili për asnjë moment nuk hoqi dori nga misioni i tij për të shpëtuar personat brenda veturave.
Pasi që arrijnë t’i nxjerrin të gjithë nga veturat, masa mund të dëgjohen duke bërtitur “Allah Akbar”. /Telegrafi/
