Ish-ylli i Milanit, Kaka, ka thënë se Rossonerët mund të fitojnë ndeshjen vendimtare kundër Juventusit në “Allianz Stadium”.
Braziliani ka kujtime të shkëlqyera nga koha e tij e kaluar në Milan, ku nuk i kanë munguar trofetë.
Fituesi i Kupës së Botës dhe “Topit të Artë” e ndihmoi Milanin të merrte Ligën e Kampionëve në sezonin 2006-07, kur ishte edhe top golashënuesi kryesor i garës.
Ai ka thënë se mezi pret të shohë Milani të kthehet në kupën prestigjioze dhe beson se ata mund të bëjnë një hap të madh drejt kualifikimit kundër Juventus këtë fundjavë.
“Më vjen keq që Milani nuk arriti të kthehej. Mezi pres të rikthehet Milani në këtë garë, është vetëm një distancë e shkurtër larg”.
“Tani, është kjo ndeshje kundër Juves dhe Andrea Pirlos. Milani mund ta fitojë këtë ndeshje, ata mund të kthehen në Ligën e Kampionëve”.
“Shpresoj kështu dhe uroj që të ndodhë për të gjithë tifozët e Milanit”, ka thënë Kaka. /Telegrafi/