“Kafeneja Jonë” ishte një ndër serialet më të famshme shqiptare në Kosovë.
Megjithatë ka kohë që më nuk shfaqet në ekranet tona televizive, por gjërat tashmë duket se do të ndryshojnë.
Kështu së paku ka bërë të ditur aktorja e filmit përmes llogarisë personale në Instagram, megjithëse nuk ka dhënë shumë detaje.
Bëhet fjalë për Teuta Krasniqin, e cila ka shpërndarë një promo të serialit teksa ka shkruar se seriali po rikthehet.
Aktorja nuk ka treguar se në cilin televizion do të shfaqet apo do të jetë ekskluzivitet i ndonjë platforme online.
Ndryshe, disa prej aktorëve të serialit tashmë janë të angazhuar në projekte të tjera televizive. /Telegrafi/