Barcelona ka njoftuar se Ousmane Dembele do t’i nënshtrohet ndërhyrjes kirurgjike në gjurin e djathtë dhe do të mungojë për disa muaj.
Anësori francez u detyra të tërhiqej nga ‘Euro 2020’ të hënën, pasi ishte lënduar në ndeshjen ndërmjet Francës dhe Hungarisë.
24-vjeçari nuk mund të luajë më në turneun evropian, derisa klubi i tij ka konfirmuar se do të operohet, porse nuk e ka specifikuar kohëzgjatjen e mungesës.
Dembele iu është nënshtruar ekzaminimeve mjekësore mëngjesin e të martës dhe është vërtetuar zhvendosje e tetivës në gjurin e djathtë që ka nevojë për ndërhyrje kirurgjike.
Kujtojmë që në sezonin e kaluar, ai zhvilloi 44 ndeshje në të gjitha garat për Barcelonën duke shënuar 11 gola.
Sipas njoftimit të Catalunya Radio, Dembele do të mungojë së paku tre muaj. /Telegrafi/