Është raportuar se dëmtimi i Alex Sandros nuk është aq i keq sa pritej, kështu që mbrojtësi i Juventusit mund të kthehet në Real Madrid.
Mbrojtësi i krahut të majtë u detyrua të tërhiqej nga skuadra e Brazilit që ishte mbledhur për ndeshjet miqësore pas një dëmtim të kofshës.
Pas largimit nga kampi i Brazilit, Sandro u kthye në Torino ku edhe bëri skadimet gjatë ditës së djeshme (e mërkurë).
Bardhezinjtë konfirmuan dëmtimin e mbrojtësit, por nuk ofruan një afat kohor për rikuperimin e tij.
Megjithatë, drejtuesit e Zonjës së Vjetër patën me vete frikën se lojtari i tyre do të humbasë dy ndeshje të rëndësishme, ndaj Milanit dhe Real Madridit.
Tani mediumi Premium Sport raporton se dëmtimi nuk është aq i keq sa drejtuesit kishin frikë, dhe ka shpresë se ai do të jetë gati për ndeshjet e Ligës së Kampionëve.
Nuk ka shanse që Alex Sandro ë rrezikohet kundër Rossonerëve me datë 31 mars, por ai mund të shfaqet kundër Real Madridit.
Ndeshjet ndaj Real Madridit në Ligën e Kampionëve janë paraparë me datë 3 prill në Allianz Stadium, ndërsa e kthimit në Santiago Bernabeu më 11 prill. /Telegrafi/