Pas dënimit prej 15 pikësh dhe me një bord drejtorësh krejtësisht të ri, Max Allegri është gjithnjë e më shumë figura e vetme solide në Juventus dhe raportohet se kontrata e tij mund të zgjatet deri në vitin 2027.
Presidenti Andrea Agnelli, nënkryetari Pavel Nedved dhe të tjerë janë larguar të gjithë, ndaj Allegri ka më shumë përgjegjësi se kurrë, jo vetëm si trajner, por edhe duke marrë disa role drejtuese.
Sipas La Gazzetta dello Sport, pronari i klubit John Elkann beson se Allegri mund të ndihmojë në drejtimin e tyre në të ardhmen dhe është gati të zgjasë kontratën e tij aktuale deri në qershor 2027.
Është një ndryshim i plotë në mendimin për trajnerin nga disa muaj më parë, kur dukej sikur arsyeja e vetme që Juventus nuk e kishte shkarkuar Allegrin ishte sepse kontrata e tij zgjati deri në qershor 2025 dhe do të kushtonte një shumë të madhe për t’u ndërprerë para kohe.
Ky është tashmë qëndrimi i dytë i Allegrit në Torino pasi fitoi pesë tituj radhazi të Serie A nga 2014 deri në 2019.
Ndërkohë që kishte zëra për ardhjen e Zinedine Zidane ose Antonio Conte, por Allegri duket se është në harmoni të plotë me realitetin e ri te Zonja e Vjetër./Telegrafi/