Sulmuesi francez i Paris Saint-Germain, Kylian Mbappe, ka përfunduar në radarin e gjigantit italian, Juventusit.
Transferimi i madh gjatë verës i Cristiano Ronaldos nga Juventusi ka bërë që klubi i madh italian të rrit apetitet.
Përveç kësaj, edhe futbollistët e mëdhenj kanë filluar ta shikojnë si një mundësi të madhe transferimin te Juventusi.
Emri i fundit që po lidhet me një kalim te Zonja e Vjetër është talenti i madh francez, Mbappe.
Sipas mediumit italian Tuttosport, Juventusi synon ta bëjë bashkë partner të sulmit Mbappen me Ronaldon.
Fituesi i Kupës së Botës është ndoshta lojtari kryesor i PSG-së, por nhjë ofertë e madhe parash mund të lejojë largimin e tij.
Kampionët e Serie A besojnë se mund të fitojnë fonde duke shitur dyshen e sulmit Paulo Dybala dhe Mario Mandzukic.
Me largimin e kësaj dyshe, Juventusi synon afrimin e Mbappes, por edhe yllin e Real Madridit, spanjollin Marco Asensio. /Telegrafi/