Juventusi thuhet se mund të luajë me një formacion shumë sulmues dhe të ndryshojë sistemin kundër Interit, duke përdorur Paulo Dybala, Alvaro Morata dhe Dusan Vlahovic së bashku.
Zonja e Vjetër është nikoqire e Nerazzurrëve në Derby d’Italia të vlefshëm për javën e 31-të të Serie A, takim që pritet të zhvillohet në Allianz Stadium në Torino të dielën në orën 20:45.
Trajneri Massimiliano Allegri tashmë ka konfirmuar se Leonardo Bonucci do të jetë në stol, kështu që Giorgio Chiellini do të jetë partneri i Matthijs de Ligt.
Ka raportime në mediumet Sky Sport Italia dhe Sportitalia se trajneri Allegri do t’i shkundë gjërat me një formacion të ri sulmues 4-2-3-1.
Denis Zakaria është rikuperuar para afatit nga një dëmtim muskulor dhe mund të fillojë së bashku me Manuel Locatellin në qendër, duke lënë pas zhgënjyesit Arthur Melo dhe Adrien Rabiot.
Në vend të kësaj, Juan Cuadrado mund të zhvendoset në një rol më të avancuar në të djathtë, së bashku me Dybala dhe Morata që mbështesin Vlahovicin në qendër të sulmit.
Juventus (4-2-3-1): Szczesny; Danilo, De Ligt, Chiellini, Alex Sandro; Locatelli, Zakaria; Cuadrado, Dybala, Morata; Vlahovic
/Telegrafi/