Juventusi e ka provuar sistemin e lojës ‘4-3-3’ para ndeshjes kundër Sportingut

Juventusi e ka testuar sistemin 4-3-3 mëngjesin e të mërkurës, mirëpo gjasat janë më të mëdha që Massimiliano Allegri t’i qëndrojë besnik formacionit 4-2-3-1 kundër Sporting CP.

Bianconerët luajnë kundër skuadrës portugeze në xhiron e tretë në kuadër të Grupit D. Të dyja këto ekipe i kanë nga tri pikë, me nga një fitore dhe nga një humbje në dy xhirot e para.

Lexo po ashtu Juventus – Sporting, formacionet e mundshme

Tuttomercatoweb raporton se trajneri Allegri e ka provuar sistemin 4-3-3 në stërvitjen e fundit të ditës së mërkurë.

Në atë formacion, Miralem Pjanic ka luajtur më përpara, Blaise Matuidi në anën e majtë të mesfushës, kurse Sami Khedira në anën e djathtë.

Paulo Dybala ka luajtur në anën e majtë të sulmit, Mario Mandzukic në anën e djathtë, kurse Gonzalo Higuain si qendërsulmues.

Sidoqoftë nuk është e qartë se a do të luajë Juve me këtë formacion në takimin që zhvillohet në Torino.

Dy formacionet e mundshme të Juventusit:

Buffon; Sturaro, Benatia, Chiellini, Alex Sandro; Pjanic, Matuidi; Cuadrado, Dybala, Mandzukic; Higuain.

Buffon; Sturaro, Benatia, Chiellini, Alex Sandro; Khedira, Pjanic, Matuidi; Dybala, Higuain, Mandzukic. /Telegrafi/