Mediat italiane raportojnë se Juventusi duhet të paguajë një gjobë prej 400 mijë euro pasi ka anuluar festën e fundit të sezonit pas humbjes së finales së Ligës së Kampionëve ndaj Real Madridit.
Bardhezinjtë kishin fituar Scudetton e Serie A dhe Kupën e Italisë, kështu që po shkonin për kurorën e trefishtë apo ‘tripletën’ e tyre të parë në finalen e Cardiffit.
Megjithatë, humbja 4-1 ndaj Real Madridit i panë ato ëndrra të avullohet edhe një herë për Zonjën e Vjetër.
Sipas gazetës Libero, Juventusi kishte organizuar një parti në Torino që do të kushtonte një milionë euro, por anulimi i saj do të thoshte se depozita prej 400 mijë eurove ishte e pakthyeshme.
Kishte edhe një arsye tjetër për të anuluar, pasi gjatë finales kishte një rrëmujë në ‘Fan Zone’ në Piazza San Carlo në Torino.
Në atë rrëmujë mbeten mbi 1.500 njerëz të lënduar, duke përfshirë një fëmijë në gjendje kritike, dhe një grua që më vonë vdiq nga lëndimet e marra. /Telegrafi/