Evan N’Dicka është një nga mbrojtësit qendror më të kërkuar në Evropë, për faktin se ai do të jetë futbollist i lirë pas gjashtë muajve.
Qendërmbrojtësi francez ka shkëlqyer viteve të fundit me fanellën e Eintracht Frankfurt dhe ka zgjuar interesimin e top klubeve evropiane.
Juventusi mbetet një nga skuadrat favorite për të nënshkruar me lojtarin francez dhe tanimë bisedimet mes palëve kanë nisur që një kohë.
Calciomercato ka raportuar se Zonja e Vjetër është në bisedime të avancuara me agjentët e futbollistit i cili ka vendosur të qëndroj në Frankfurt deri në verë, për të fituar një pagë më të lartë.
Bardhezinjtë janë të gatshëm t’i ofrojnë në verë një pagë pesë vjeçare francezit me një pagë që mbi katër milionë euro në sezon.
Gjithsesi marrëveshja nuk është aspak e lehtë pasi gara për lojtarin është jashtëzakonisht e madhe.
Roma, Borussia Dortmund, Arsenal, PSG, Tottenham Hotspur, Man Utd dhe Barcelona gjithashtu janë skuadrat që kanë shprehur interesim për 23-vjeçarin. /Telegrafi/