Juventusi shpreson që Paulo Dybala të rikuperohet nga lëndimi i kofshës para ndeshjes së Ligës së Kampionëve kundër Lyonit, të cilën e zhvillon më 7 gusht.
Sulmuesi argjentinas u detyrua ta lëshonte fushën në fitoren prej 2-0 kundër Sampdorias si pasojë e një problemi muskulor.
Zonja e Vjetër e fitoi Scudetton e nëntë radhazi, mirëpo lëndimi i 26-vjeçarit e zbehu paksa festën.
Bianconerët janë në kërkim të një vendi në çerekfinale të garës më të madhe evropiane, ndërkohë që në përballjen e parë kanë humbur me rezultat 1-0 nga ekipi francez.
Ekzaminimet mjekësore kanë treguar një problem muskulor të Dybalas në kofshën e këmbës së majtë. /Telegrafi/