Juventusi i është afruar akoma më shumë titullit të pestë radhazi në Serie A, pas fitores prej 2-1 kundër Fiorentinas në Stadio Artemio Franchi.
Vendasit e nisën mirë ndeshjen duke e kërkuar golin në minutat e para, mirëpo ishin mysafirët ata që e futën të parët topin në rrjet përmes Sami Khediras. Sidoqoftë, goli u anulua për pozitë jashtë loje.
Edhe vendasit shënuan në portën e vizitorëve me anë të Bernardeschit, porse edhe ky gol u anulua për pozitë jashtë loje, megjithëse xhirimet treguan se vendimi i gjyqtarit ishte kundërthënës.
Rezultati u zhbllokua në minutën e 39-të. Ishte një gol i bukur që u konkretizua nga Mario Mandzukic. Khedira dhuroi një harkim të mirë në zonë, të cilin e priti me kokë Pogba dhe harkoi për kroatin. Sulmuesi bardhezi goditi me të parën dhe topi u ndal në rrjet.
Porse Alvaro Morata nuk e lejoi të zgjaste festa në stadium, por e riktheu menjëherë avantazhin e Bianconerëve (83’).
Në fund të takimit u akordua penalti në favor të nikoqirëve, mirëpo Gianluigi Buffon mbrojti penaltinë e Nikola Kalinic.
Në rast se Napoli dështon të fitojë kundër Romës të hënën, atëherë Juventusi do të shpallet kampion që në këtë xhiro. /Telegrafi/
0-1: Mandzukic i jep Juventusit epërsinë ndaj Violas me një gol të bukur.
Posted by Telegrafi Sport on Sunday, 24 April 2016
Fiorentina 1-1 Juventus: Kalinic
Posted by Telegrafi Sport on Sunday, 24 April 2016
Fiorentina 1-2 Juventus: Alvaro Morata
Posted by Telegrafi Sport on Sunday, 24 April 2016