Juventusi e ka mposhtur Lazion në finale të Kupës së Italisë në Stadio Olimpico (2-0) për ta fituar trofeun e parë të këtij sezoni.
Bianconerët bënë një paraqitje mbresëlënëse në gjysmën e parë, në të cilën i shënuan dy gola. Alex Sandro dërgoi një harkim të mrekullueshëm në zonë, të cilin e priti Dani Alves dhe me të parën e dërgoi topin në rrjetë (12’).
Pas disa intervenimeve të mrekullueshme të Thomas Strakoshës, Leonardo Bonucci shënoi golin e dytë për Juven (25’). Qendërmbrojtësi italian u gjend në vendin e duhur pas një tjetër harkimi nga Sandro.
Biancocelestët rrezikuan në pjesën e dytë me anë të Felipe Anderson e Ciro Immobile, por nuk ishin të aftë që t’i shkaktonin telashe kundërshtarit që bënte lojë të sigurt.
Kjo është hera e tretë radhazi që bardhezinjtë e fitojnë Coppa Italia dhe ata mbajnë rekord trofesh në këtë garë – 12 sosh.
Në ndërkohë, Juventusi është tri pikë larg titullit të Serie A kur kanë mbetur edhe dy xhiro për t’u zhvilluar, ashtu që në fundjavë mund ta festojë edhe Scudetton nëse fiton ndaj Crotones.
Për më shumë, Zonja e Vjetër luan edhe në finale të Ligës së Kampionëve (më 3 qershor kundër Real Madridit), prandaj mund ta kërkojë tripletën këtë edicion. /Telegrafi/
DANI ALVES GOOOOOAAAAAL. BRILLIANT PASS BY ALEX SANDRO! pic.twitter.com/d4RH9jAOiz
— Tarek Khatib (@ADP1113) May 17, 2017
Bonucci Golllll!! pic.twitter.com/z8r1UREywf
— Juvefc.com (@juvefcdotcom) May 17, 2017