Telegrafi

Justin Bieber pendohet për martesën me Hailey Baldwin

Justin Bieber dhe Hailey Baldwin ( Foto: Getty Images/Ricky Vigil M/Guliver)

Këngëtari i famshëm botëror, Justin Bieber, duket se nuk është i lumtur për martesën e shpejtë me Hailey Baldwin.

25-vjeçari, i cili ka qenë duke u përballur me depresionin muajt e fundit, po kalon më shumë kohë në New York, në mënyrë që të ketë ndihmë nga mentori i tij,  Carl Lentz.

Në shkurt të këtij viti, Justin ishte në shtëpinë e Carl për një sesion boksi bashkë me gruan e tij. Një burim pranë tij tha se dukej shumë i shqetësuar gjatë ushtrimeve të boksit dhe rrëfeu se po e rimendonte martesën e tij me modelen.

Justin Bieber dhe Hailey Baldwin (Foto: Omar Rawlings/Getty ImagesGuliver)
Lexo po ashtu Të gjitha lajmet nga Justin Bieber

“Mendja e Justin ishte më të vërtetë e çrregulluar. Thjesht nuk mendonte si duhet. Ishte me të vërtetë në depresion dhe ndihej i penduar për martesën e tij”, vazhdon më tej ai.

Nga ana tjetër, Bieber muaj më parë kaloi nëpër një periudhë të vështirë jetësore, në luftën kundër depresionit dhe problemeve tjera mendore, ndërsa për këtë gjë e ndihmoi bashkëshortja e tij. /Telegrafi/