Justin Bieber ka nxitur thashethemet se bashkëshortja e tij, Hailey është shtatzënë, pasi preku barkun e saj gjatë paraqitjes në tapetin e kuq mbrëmjen e kaluar në Met Gala.
Por, i shpejt ishte edhe reagimi i 24-vjeçares, e cila ia largoi dorën si për t’i treguar që të mos e vendoste dorën aty gjatë pozimit, shkruan The Sun.
Artisti 27-vjeçar e shikoi bashkëshorten e tij me admirim gjatë gjithë kohës, e cila shkëlqeu me një fustan të zi dhe elegant.
Fansat e çiftit ishin të shpejt për të komentuar, se dyshja e njohur mund të jenë në pritje të fëmijës së parë.
Kjo nuk është hera e parë që Justin ka ngritur dyshimet për një shtatzëni të Hailey, gjatë verës ai postoi një fotografi bashkë me partneren e tij, ndërsa shkroi sipër “babai dhe nëna”, e që modelja përmes një komenti i kërkoi ta ndryshoi mbishkrimin.
Hailey më herët për “Vogue Arabia” kishte deklaruar se për një kohë nuk planifikojnë që të kenë fëmijë.
“Unë i dua fëmijët dhe mezi pres të kem. Nuk po them tani, por në një të ardhme, defenitivisht jo së shpejti”, ishte shprehur Hailey. /Telegrafi/