Liverpooli është gati të heqë dorë nga interesimi i tyre për Mason Mount pasi vulosi transferimin e Alexis Mac Allister nga Brighton.
Mesfushori 24 vjeçar u bë nënshkrimi i parë veror i Reds të enjten pas finalizimit të një marrëveshjeje që do t’i sigurojë Pulëbardhat një vlerë fillestare prej 50 milionë eurosh.
Megjithatë, ka shumë pak gjasa që Mac Allister të jetë mesfushori i vetëm që Jurgen Klopp do të blejë përpara sezonit 2023/24.
Mesfusha e Liverpoolit u kritikua shumë sezonin e kaluar dhe ka nevojë për një rifreskim. Reds iu drejtuan pushimeve verore me synimin për të nënshkruar të paktën dy mesfushorë, me Mac Allister dhe Mount në krye të listës së dëshirave të Klopp.
Fillimisht, shanset e Liverpoolit për të marrë Mountin dukeshin gjithashtu të larta. Por, me yllin e Chelseat që tani synon t’i bashkohet Manchester United, Liverpool do të tërhiqet nga gara pasi ka nënshkruar me Mac Allisterin, sipas The Guardian.
Megjithatë, i njëjti raportim bën të ditur se Liverpool mund të vazhdojë të tregojë interes për Manu Kone të Borussia Monchengladbach dhe anëtarin e Nices, Khephren Thuram në javët e ardhshme për të kompletuar pamjen e tyre të re në mesfushë. /Telegrafi/