Liverpooli i ka pësuar humbje e parë pas 44 ndeshjeve dhe 18 fitoreve radhazi në Ligën Premier, duke u mposhtur 3-0 në udhëtim te Watfordi në kuadër të javës së 27-të.
The Reds nuk arritën ta mbyllnin sezonin pa humbje, mirëpo ende janë 22 pikë larg vendit të dytë Manchester Cityt, e që për ta më e rëndësishme është të fitojnë titullin e ligës angleze pas më shumë se 30 vitesh.
Jurgen Klopp është deklaruar rreth disfatës që pësoi skuadra e tij, e që tha se është një rezultat jo real, mirëpo që e kanë merituar të humbin.
“Nuk jam i befasuar nga paraqitja, pasi do t’i bije se nuk kemi parë asnjëherë një gjë të tillë – e kemi para disa herë këtë situatë”, ka thënë fillimisht trajneri i klubit anglez.
“Ajo çfarë mund të them është se rezultati nuk është real (3-0) edhe pse e merituam të humbnim dhe Watfordi e meritoi fitoren”.
“Në pjesën e parë kishim disa gjëra që as vetë nuk kemi arritur t’i kuptonim, derisa në të dytën u përkeqësuan gjërat”.
“Dy golat e shpejtë të pësuar na çorientuan dhe kemi lënë shumë hapësira mbrapa. Më pëlqeu si e filluam pjesën e dytë, mirëpo nuk reaguam në mënyrën më të mirë të mundshme, pasi ishte e evitueshme”.
“Nuk më intereson rekordin pa humbje, jeni të fokusuar më shumë në hapat tuaj. Ne pësuam humbje dhe nuk e di si do të reagojnë njerëzit e tjerë, por ne do të kthehemi të luajë futboll të qetë dhe pa presion”, ka shtuar më tej Klopp.
Liverpooli në xhiron e 28-të do të takohet me Bournemouthin, mirëpo fillimisht do të ketë punë me Chelsean në FA Cup. /Telegrafi/