Presidenti i Komisionit Europian, Jean-Claude Juncker i ka thënë kryeministres britanike Theresa May gjatë bisedimeve “të fuqishme por konstruktive” se Bashkimi Evropian nuk do të rinegociojë marrëveshjen e Brexit.
Sipas mediave të huaja, përcjell Telegrafi, ai shtoi se blloku ishte i gatshëm të punonte më shumë në deklaratën shoqëruese politike të lidhjeve të reja BE-Britani pas Brexit, e cila është e ndarë nga marrëveshja e tërheqjes.
Një deklaratë e përbashkët thotë se zonja May “ngriti opsione të ndryshme” për të adresuar shqetësimet e deputetëve lidhur me kufirin irlandez dhe se të dy ranë dakord se ekipet e tyre do të punonin së bashku “nëse një rrugë mund të gjendet”.
“Pavarësisht nga sfidat, të dy udhëheqësit ranë dakord që ekipet e tyre duhet të vazhdojnë bisedimet rreth asaj nëse një rrugë mund të gjendet që do të fitonte mbështetjen më të gjerë të mundshme në Parlamentin e Mbretërisë së Bashkuar dhe do të respektojë udhëzimet e miratuara nga Këshilli Evropian”.
Bëhet e ditur se Juncker dhe znj. May do të takohen përsëri para fundit të shkurtit. /Telegrafi/