Episodi i kësaj jave i Thumb në ABC News, nga Aulona dhe Fatma, solli një intervistë mjaft interesante të aktorit të njohur të humorit, Julian Deda.
Ai ka treguar për mikrofonin e Thumb se si është jeta me një aktor të madh, siç është Zef Deda, si dhe marrëdhënien me ish-kolegët dhe miqtë, Ermal Mamaqi dhe Gentian Zenelaj.
Me Ermalin, aktori ruan akoma marrëdhënie të mira, por me Gentin jo. I pyetur se kur do ta shohim sërish me Gentin, duke qenë se kanë kohë që nuk i kemi parë bashkë, Juli përgjigjet: “Nuk ma do mendja se do të më shihni…shumë shpejt nuk e di. Unë nuk vë data në jetën time. Kurrë nuk them kurrë!”.
“Me Ermalin është tjetër gjë. Me të ruaj akoma miqësi shumë të mirë. Kemi pasur me Ermalin një marrëdhënie tjetër, në sensin që jemi tipa më të lirshëm, më sportivë dhe nuk kemi parë shumë gjëra të vogla te njëri-tjetri prandaj kemi akoma miqësi”, ka shtuar Deda.
Për sa i përket një ribashkimi të treshes së mirënjohur “The SHBLSH”, Juli tregon se e ka menduar bashkë me Ermalin, por sipas tij ka gjëra për të rregulluar. /Telegrafi/
