Rekomandohet konsumimi i çajit në gjethe dhe jo në qese filtri
Gjatë tre muajve të konsumimit të çajit jeshil çdo ditë, do të humbni të paktën 1.5 kilogramë pa ndryshime të tjera në dietë apo stilin e jetesës.
Kjo do të përshpejtojë metabolizmin tuaj, i cili është i barabartë me humbjen e 100 kalorive në ditëm, transmeton Telegrafi.
Studimet shkencore kanë treguar se flavonoidet dhe kafeina nga çaji jeshil përshpejtojnë metabolizmin, rrisin oksidimin e yndyrës dhe madje rrisin ndjeshmërinë ndaj insulinës.
Sekreti i humbjes së peshës është në mënyrën se si përgatisni
Uji i vluar nuk është i mirë për katekinat e vlefshme, përbërës nga çaji jeshil që sjellin përfitime të shumta për njeriun.
Në vend që të hidhni çaj me ujë të vluar, kur të vlojë, lëreni të qëndrojë për dhjetë minuta dhe më pas hidhni sipër gjethet e çajit jeshil.
Prisni disa minuta që gjethet të lëshojnë vetitë e tyre të shkëlqyera në ujë, kullojini dhe më pas e pini.
Një tjetër efekt anësor i derdhjes së çajit me ujë të sapovaluar është shija e tij jashtëzakonisht e hidhur, e cila është dukshëm më e butë kur gjethet hidhen mbi ujin që është ftohur pak.
Është gjithmonë më mirë të përdoret çaji nga gjethet sesa në qese. Antioksidantë të shumtë nga çaji jeshil përmirësojnë funksionin e trurit dhe kanë një efekt antikancerogjen.
Shmangni shtimin e sheqerit dhe mjaltit në çajin jeshil, sepse ato zbusin ndjeshëm vetitë pozitive të kësaj pije të fuqishme.
Pirja në sasi të madhe çaji jeshil në ditë nuk do të përshpejtojë procesin e humbjes së peshës. Dy deri në dy gota e gjysmë në ditë, janë mjaft të mjaftueshme dhe çdo gjë më shumë se kaq mund të shkaktojë pasoja të pakëndshme. /Telegrafi/