Kryetari i Partisë Liberal Demokratike (LDP) Çedomir Jovanoviq ka deklaruar sot se në zgjedhjet e 17 nëntorit në Serbi do të dalë me sloganin “Duhet të jetë ndryshe” dhe se në fushatë do t’u tregojë qytetarëve të vërtetën për Kosovën, të cilën askush nuk dëshiron thotë.
Jovanoviq theksoi se për shkak të ngjarjeve të 24 shtatorit në Banjskë dhe heshtjes në lidhje me ato ngjarje, vendosi të marrë pjesë në zgjedhje dhe se nuk dëshiron të jetojë në një vend ku qytetarët zgjedhin mes presidentit të Serbisë, Aleksandar Vuçiq dhe Kryetarit të Partisë Liri dhe Drejtësi, Dragan Gjilas.
“Nuk do ta gënjej vendin për Kosovën, të ofroj një rrugë më të lehtë, sepse në fund të kësaj rruge do të zhdukemi”, tha Jovanoviq.
Siç raporton “Danas”, ai gjithashtu ka paralajmëruar pjesëmarrjen e tij në zgjedhjet e Beogradit, duke thënë se dëshiron një kryetar komune që do ta pajtojë Beogradin dhe do ta shërojë Beogradin.
Çedomir Jovanoviq ka shtuar se është kundër planit franko-gjerman, sepse ata që e kanë bërë nuk kanë menduar për Serbinë, transmeton Telegrafi.
Siç tha ai, ai dëshiron që qeveria e ardhshme në Serbi të ftojë përfaqësuesit e Prishtinës në Beograd ose të shkojnë në Prishtinë, të bisedojnë dhe që Kosova të jetë tokë e popullit serb dhe shqiptar, ata që duan të jetë tokë shqiptare të shkojnë në Shqipëri, dhe ata që duan tokën serbe të shkojnë në Serbi.
Sipas tij, në fushatë ai llogarit në gjeneratën e tij, në njerëz që gjithmonë kanë mbështetur PLD-në dhe njerëz që nuk kanë kohë për veten e tyre, e jo për partitë dhe politikën dhe se në listë do të përfshihen njerëz me të cilët ka bashkëpunuar me vite.
Jovanoviq ka theksuar se dëshiron të shkojë në Kosovë gjatë fushatës dhe të vizitojë familjet e serbëve të vrarë, si dhe familjet e policit të vrarë shqiptar.
Ai shtoi se nuk e respekton Kishën Ortodokse Serbe, sepse ajo i mbyll dyert e manastirit para njerëzve që i vrasin në portat e manastirit dhe sepse familjet kujtohen vetëm para Paradës së Krenarisë. /Telegrafi/